Аб удзеле Пасла Беларусі ва Узбекістане А.Агароднікава ў адкрыцці выставы UzFood — 2025

8 красавіка 2025 г. Надзвычайны і Паўнамоцны Пасол Рэспублікі Беларусь у Рэспубліцы Узбекістан Аляксандр Агароднікаў і старшыня Пастаяннай камісіі па міжнародных справах і нацыянальнай бяспецы Савета Рэспублікі Нацыянальнага сходу Рэспублікі Беларусь Сяргей Алейнік наведалі «Узэкспацэнтр», дзе адкрылася выстава прадуктаў харчавання UzFood — 2025.

На беларускім стэндзе прадстаўлена прадукцыя 25 вытворцаў вядомых беларускіх брэндаў мясамалочнай прадукцыі, кандытарскіх вырабаў, алкагольнай прадукцыі, а таксама абсталявання для харчовай прамысловасці.

Падчас наведвання выставы А.Агароднікаў і С.Алейнік прынялі ўдзел у цырымоніі ўзнагароджання беларускіх удзельнікаў ганаровымі дыпломамі, абмеркавалі з беларускімі і ўзбекскімі партнёрамі практычныя пытанні прасоўвання беларускай прадукцыі і павышэння яе пазнавальнасці на рынку Узбекістана.