Парадак забеспячэння бяспекі ахоўных асоб

У адпаведнасці з Законам Рэспублікі Беларусь ад 8 мая 2009 года № 16-З “Аб дзяржаўнай ахове” ў рамках візітаў у Рэспубліку Беларусь бяспека ахоўных асоб забяспечваецца Службай бяспекі Прэзідэнта Рэспублікі Беларусь.

Ахоўныя мерапрыемствы беларускім бокам ажыццяўляюцца пры выкананні наступных умоў:

♦ наяўнасці ў прыбываючага прадстаўніка замежнай краіны афіцыйнага статусу ахоўнай асобы прадстаўляемай дзяржавы (дзяржавай прымаюцца спецыяльныя меры па забеспячэнні асабістай узброенай аховы гэтай асобы супрацоўнікамі службаў бяспекі дзяржавы);

♦ накіраванне ў Міністэрства замежных спраў Рэспублікі Беларусь не пазней за тры рыбочыя дні да запланаванага візіту афіцыйнага звароту Дыпламатычнага Прадстаўніцтва з просьбай забяспечыць бяспеку прыбываючай асобы.

Пры суправаджэнні ахоўнай асобы супрацоўнікамі службы бяспекі замежнай дзяржавы (дзяржаўнай аховы) з агнястрэльнай зброяй у Міністэрства замежных спраў не пазней за пяць рабочых дзён да візіту Дыпламатычным Прадстаўніцтвам напраўляецца афіцыйны запыт аб выдачы дазволу на ўвоз, нашэнне і вываз зброі (далей – дазвол) супрацоўнікамі службы бяспекі замежнай дзяржавы ў адпаведнасці з Формай1, а таксама аб забеспячэнні бяспекі ахоўнай асобы беларускім бокам.

Як правіла, беларускім бокам пры выкананні вышэйзгаданых умоў выдаецца дазвол на адну адзінку караткаствольнай агнястрэльнай зброі, які выключае магчымасць вядзення стральбы чэргамі, на аднаго супрацоўніка службы бяспекі, але не больш за пяць адзінак зброі ў рамках візіту ахоўнай асобы на групу супрацоўнікаў і двух крам з боепрыпасамі на кожную адзінку зброі. Увоз іншай зброі і (або) ў большай колькасці можа быць дазволены ў выключных выпадках па выніках дадатковага абгрунтавання і ўзгаднення з Службай бяспекі Прэзідэнта Рэспублікі Беларусь.

Афармленне дазволу на ўвоз, нашэнне і вываз зброі не ажыццяўляецца ў выпадку адсутнасці афіцыйнага звароту Дыпламатычнага Прадстаўніцтва з просьбай забяспечыць бяспеку прыбываючай асобы ў рамках візіту ў Рэспубліку Беларусь.

Адпаведны дазвол выдаецца ў Міністэрстве ўнутраных спраў Рэспублікі Беларусь (горад Мінск, вуліца Гарадскі Вал, 4, пад’езд № 2; нумар тэлефона ўпаўнаважанага падраздзялення: +375 17 218 73 56, нумар тэлефона ўнутранай сувязі: 73 56) супрацоўніку Дыпламатычнага Прадстаўніцтва пры прад'яўленні дыпламатычнай альбо службовай карткі.

У далейшым супрацоўніку Дыпламатычнага Прадстаўніцтва, які атрымаў дазвол, неабходна забяспечыць выкананне наступнага парадку.

Дазвол дастаўляецца да месца перасячэння ўзброенымі супрацоўнікамі бяспекі замежнай дзяржавы Дзяржаўнай мяжы Рэспублікі Беларусь для правядзення службовай асобай мытнага органа Рэспублікі Беларусь працэдуры зверкі ўвазной зброі і запэўніванні дазволу, арыгінал якога знаходзіцца ў супрацоўнікаў службы бяспекі замежнай дзяржавы на працягу ўсяго іх знаходжання на тэрыторыі Рэспублікі Беларусь.

Пры вывазе зброі арыгінал дазволу прад’яўляецца службовай асобе мытнага органа, у рэгіёне дзейнасці якога размешчаны пункт пропуску праз Дзяржаўную мяжу Рэспублікі Беларусь.

Бяспека прадстаўніка замежнай краіны, які прыбывае ў Рэспубліку Беларусь і ў якога адсутнічае афіцыйны статус ахоўнай асобы прадстаўляемай дзяржавы, можа быць забяспечана спецыяльным аддзелам Міністэрства ўнутраных спраў Рэспублікі Беларусь на дагаворнай падставе.

Пры выкарыстанні супрацоўнікамі службы бяспекі замежнай дзяржавы радыёстанцый у Міністэрства замежных спраў Рэспублікі Беларусь не менш, чым за пяць рабочых дзён да візіту Дыпламатычным Прадстаўніцтвам у адпаведнасці з Палажэннем аб парадку выкарыстання радыёчастотнага спектру, зацверджанага Указам Прэзідэнта Рэспублікі Беларусь ад 15 красавіка 2013 года № 192 “Аб выдзяленні, выкарыстанні радыёчастотнага спектру і ўнясенні дапаўнення і змяненняў ва Указ Прэзідэнта Рэспублікі Беларусь ад 31 ліпеня 2006 года № 473”, напраўляецца афіцыйны запыт аб узгадненні выкарыстання згаданага абсталявання ў адпаведнасці з Формай2.

У выпадку парушэння тэрмінаў напраўлення запытаў на ўвоз зброі і выкарыстання радыёстанцый у прадастаўленні адпаведных дазволаў Беларускім Бокам можа быць адмоўлена.