Еўрапейскі саюз

Дыпламатычныя адносіны паміж Рэспублікай Беларусь і ЕС былі ўсталяваны ў жніўні 1992 г. 

У сакавіку 1995 г. у г.Бруселі было падпісана Пагадненне аб партнёрстве і супрацоўніцтве (ППС) паміж Беларуссю і Еўрапейскім саюзам, ратыфiкацыя якога была ў аднабаковым парадку прыпынена Еўрасаюзам.

У 2008 годзе ў Мінску было адкрыта Прадстаўніцтва Камісіі Еўрапейскіх супольнасцей (са снежня 2009 года – Прадстаўніцтва ЕС). У 2009 годзе Рэспубліка Беларусь далучылася да ініцыятывы ЕС “Усходняе партнёрства” (пасля ўвядзення ЕС у дачыненні да Беларусі пакета санкцый, Рэспублікай Беларусь у чэрвені 2021 года было прынята рашэнне аб прыпыненні ўдзелу ў дадзенай ініцыятыве).

У студзені 2020 года Беларусь і ЕС падпісалі ў г.Бруселі пагадненні аб спрашчэнні візавых працэдур і аб рэадмісіі.

У кастрычніку 2020 года Еўрапейскі саюз высунуў палітычныя патрабаванні да Беларусі. У далейшым ЕС ухваліў шэраг санкцыйных захадаў у дачыненні да афіцыйных асобаў, прадпрыемстваў і сектараў эканомікі Беларусі.

У сувязі з недружалюбнымі дзеяннямі Еўрапейскага саюза беларускі бок ажыццявіў крокі ў адказ у палітыка-дыпламатычнай і эканамічнай галінах.