Агульная інфармацыя аб знешнім гандлі: напрамкі, задачы, вынікі за актуальны перыяд

Рэспубліка Беларусь ажыццяўляе шматвектарную знешнеэканамічную палітыку і актыўна ўдзельнічае ў міжнародных інтэграцыйных працэсах. 

Беларусь з'яўляецца экспартна-арыентаванай дзяржавай з развітай прамысловасцю і сельскай гаспадаркай. 

У 2024 годзе знешнегандлёвы абарот Рэспублікі Беларусь дасягнуў 86 млрд. даляраў ЗША, што на 3,7% больш, чым у 2023 годзе. Экспарт тавараў склаў 40,3 млрд. даляраў і павялiчыўся на 1,2% у адносінах да папярэдняга года. 

Таварная структура беларускага экспарту ўключае ў сябе больш за 1 100 таварных пазіцый на ўзроўні чатырох знакаў ТН ЗЭД ЕАЭС. Важнейшыя экспартныя пазіцыі: прадукцыя машынабудавання, харчовай, нафтахімічнай прамысловасці, металургіі. 

У 2024 годзе беларуская прадукцыя экспартавалась на рынкі 161 краіны.

Асноўныя гандлёвыя партнёры Беларусі - Расія, краіны ЕАЭС, СНД, ЕС. Пашыраецца прысутнасць беларускіх вытворцаў на рынках краін Азіі, Афрыкі, Блiзкага Усходу, Лацiнскай Амерыкі. Сумесна з партнёрамі па ЕАЭС вядзецца работа па паляпшэнню доступа на рынкі краін «далёкай дугі» шляхам заключэння пагадненняў аб свабодным гандлі. 

Аснову імпарту складаюць прадукцыя машынабудавання, нафтахімічнай, харчовай прамысловасці, металургіі.

У 2024 годзе Беларусь экспартавала паслуг на суму 9,9 млрд. дал., што на 14% больш за ўзровень 2023 года.